Azken berriak lehio hontara ekarri genituenetik, kilometro nahikotxo egin degu. HCMCtik barkuz Kanbodia aldera hartu genuen, Mekong ibaian gora. Phom Penh-en egonaldi laburra egin ostean, Siem Reap-erako bidea hartu genuean, Jemer inperioko erdigune izan zen Angkor hiri monumetala ikustera. Handik Tailandiara abiatu ta Koh Tao izeneko irlatxo batetako lasaitasunean, bidaia ixten joan gara, Bangkok-eko aztoramenak etxera bueltarako hegazkinean jarri gaitun arte. Jada etxetik ixten ari garen kontakizun hau, gure arrastoa jarraizeko baliagarri izan badezue (edo ez...) bejondeizuela. Guretzako esperientzia ederra ta bidaia hobea izan dira, ta sasi kazetari lantxo hau hartzea, beste estimulotxo bat. Guztioi besarkada bat ta eskerrak adi egoteagatik!!Etxetik, ayó!!!
Argazki guztiak:
Hanoitik ipar mendebaldera dagoen Sapa inguruan gabiltza azken bi egun hauetan. Arroz, arto ta kalamu soro ederrak daude inguruotan. Aldapak behartuta, terrazak baliatu dituzte lanak errazteko eta oso inguru polita utzi dute, bide batez. Oso jende atsegina topatu degu hemen ere eta bertako herrixketako jendeen bizimodua ezagutze aukera ere izan degu. Oso ikusgarria. Txina hegoaldetik aspaldi etorritako etnia bat da hemen nagusi, Black H'Mong-ak, esan digutenez.